Менің атам-Жаманов Кенжебай 1910 жылы қарапайым отбасында дүниеге келген. Ақтөбе облысы, Қобда ауданы, Бұлақ ауылында. Әжем Қаныммен бас қосып, дүниеге екі ұл, бір қыз әкелген.

1941 жылы Ұлы Отан соғысы басталған сәтте атам Кенжебай ел азаматтарымен бірге Отанды жаудан азат етуге аттанған.

Ұлы Отан соғысына қатынасқан 1941-1944 жылдары Варшаваны азат ету барысында жарақат алып (НКО-СССР воинская часть №31723 от 18.01.2044г.анықтамасы), госпитальда емделіп, соғыс майданына қайта қосылады. Алапат соғыста екінші қайтара алған жарақаты ауыр болып  (НКО СССР, ГЛР 1154 от 6.02.1945г. №433 анықтамасы), госпитальда емделген соң  елге оралады.

Атам Кенжебай 1945 жылғы 9 мамырдағы КСРО Жоғары Кеңесі Президиумының Жарлығымен «1941-1945 жылдары Ұлы Отан соғысында Германияны жеңгені үшін», «Варшаваны азат еткені үшін»  медалімен, 1956 жылғы 26 қазандағы КСРО Жоғары Кеңесі Президиумының Жарлығымен «Тыңайған жерлерді игергені үшін»,  1965 жылғы 7 мамырдағы КСРО Жоғары Кеңесі Президиумының Жарлығымен «1941-1945 жылдарда Ұлы Отан соғысы жеңісіне 20 жыл» мерейтой медальдарымен марапатталған.

1975 жылы зұлмат соғыстан алған жарақатынан,  атам Кенжебай дүниеден озды.

Осындай ерен ерлік иесі –Жаманов Кенжебайдың Ұлы Отан соғысы кезіндегі сарғайған анықтамалары, әскери билеті, марапатталған медальдарының куәліктері Ақтөбе облысы Қобда ауданы Әлия ауылындағы «Әлия» патриоттық тәрбие беру облыстық орталығында орналасқан  музейде сақтаулы.

Атамның ерлігі кейінгі ұрпағы үшін үлгі әрі мақтаныш!

Жаманов Кенжебайдың екі ұлы Тыныштық пен Кенжебайдан тараған 7 немересі, 12 шөбересі, 4 неменесі бар.

Қобда ауылындағы «Мәңгілік ел» саябағындағы мемориалдық тақтадан атам Кенжебайың есімін көріп, қуанышымда шек болмады!

Қаншама қанмен келген еліміздің азаттығы мәңгілік болғай!

Еліміз аман, заманымыз түзу, аспанымыз ашық болсын!

Немересі, Ақтөбе облысының білім саласында сапаны қамтамасыз ету департаменті басшысының орынбасары Жанар Тыныштыққызы