2020 жылдың 11 желтоқсан күні  Ақтөбе облысының мәдениет, архивтер және құжаттама басқармасының қолдауымен  «Әлия» патриоттық тәрбие беру облыстық орталығының ұйымдастыруымен  Кеңес Одағының  Батыры Бауыржан Момышұлының туғанына 110 жыл толуына  орай   «Алау-2020»  облыстық  әскери-патриоттық  сайысының марапаттау рәсімі әлеуметтік  ара қашықтықты сақтай отырып   Ақтөбе қаласындағы № 21 орта мектеп гимназиясы және  № 10 орта мектебінде өтті.

Шараға   Ақтөбе облысының мәдениет, архивтер және құжаттама басқармасы, басқарма баспасөз ақпаратының өкілі, Ақтөбе облыстық қоғамдық саяси газетінің тілшісі,   шараға қатынасқан барлық мектептердің  әскери   жетекшілері қатынасты. Батырдың қайталанбас өр тұлғасын, қайтпас мінезін, Ұлы  Отан соғысы жылдарындағы айрықша қаһармандық ерлігі  мен қайсар қолбасшылық  қасиеттерін, келешек ұрпаққа   үлгі өнеге ету  және жастарды ұлттық патриоттыққа  тәрбиелеу  мақсатында  өткізілген сайысымызға  Ақтөбе қаласының №19 ОМ,   №21 ОМГ,  №76 ОМ, №10 ОМ, №14 ОМ, №33 ОМ, №73 ОМ және Ақтөбе  орта мектебі командалары қатысып, сайыс шарттары төмендегідей:

1.әскери-саптық өлең сайысы

2. биік кермеге тартылу

3. шалқалап жатып, денені тік  көтеру

4. тақырыптық презентация бойынша  сыңға түсті.Бейне түсірілімдер  әлеуметтік желіде  (онлайн) көрермендер  назарына 16 қараша - 4 желтоқсан аралығында ұсынылды. Әділқазылардың шешімі бойынша  сайысымыздың мықтылары анықталды.      Сайыс қорытындысы бойынша:I- орынға - № 21, №10  орта мектептері , II – орынға - №14, №33  орта мектептері, III –орынға  №19, №76,№ 73  орта мектептері және  Ақтөбе  орта мектебі  ие болды. Жеңімпаздар Ақтөбе облысының мәдениет, архивтер және құжаттама басқармасының атынан дипломдар, арнайы  сыйлықтармен марапатталды. 

Шара  инстаграм әлеуметтік желісінің   aktobe_madeniet   және patriotaliya1 парақшасы  арқылы тікелей эфирден көрсетілді.