Даланың ұлы сардары, халық батыры, ​ қолбасшы Исатай Тайманұлының 230 жыл​ толуына орай ​ "Ұлы дала батыры -Исатай" тақырыбында ZOOM​ платформасында​ шара ​ өтті.

Іс-шараға Атырау​ облысы Исатай аудандық музейі, Орал қаласы Мәншүк Мәметова атындағы №27 мектеп-лицейі, Ақтөбе облысы Бауыржан Момышұлы атындағы №62 жалпы білім беретін орта мектебі, Қобда аудандық музейінің қызметкерлері, Қобда аудандық орталықтандырылған кітапхана жүйесінің қызметкерлері, Қобда​ ауданы Исатай Тайманұлы атындағы гимназиясының ​ оқушылары қатысты.

Іс-шараны "Әлия"​ патриоттық тәрбие беру облыстық орталығының директоры Бағдаш Абдижамиқызы сөз алып​ іс шараны ашып берді: “ – Елбасының «Ұлы даланың жеті қыры» мақаласында атап өтілгендей, Ұлы даланың ұлы есімдерін​ ұмытылмауға тиіспіз. Ұрпақ санасында мәңгі қалдырып, жастарды патриотизм мен отансүйгіштікке тәрбиелеудің басты құралы ретінде үнемі өз елі мен жерін қорғаған ұлы тұлғаларды ұлықтап отыруымыз қажет. ​ Ел​ Тәуелсіздігінің ​ 30 жылдығы қарсаңында азаттықты аңсаған халқына қорған болған батыр – Исатай Тайманұлы тәуелсіздікке ұмтылған, ел азаттығы жолында күрескен, ​ халықтың ұлы​ батыры. Тәуелсіз қазақ елінің мәңгілік болашағы тұрғысынан қолға ұстар ұранымыз – Исатай мен Махамбеттің жанкешті батырлық рухы. «Ел намысын ер қорғайды, Ер ерлігін ел қорғайды» деген мақал әрбір қазақ баласына айтылған бойтұмары болуы тиіс.» деді​ өз сөзінде.

Атырау​ облысы Исатай аудандық музейінің меңгерушісі​ Гүлмарал Бақытжанқызы​ қазақтың біртуар ұлы Исатай Тайманұлының өмірі, ерлік жолы туралы мол мағлұматтар ​ беріп , көрмемен таныстырды. ​ Кешегі өткен ұлы батырлардың істерін бүгінгі ұрпақтың бойына ұлтжандылықты дарыту мақсатында ​ ​ оқушылардың қойылған сұрақтарына жауап берді.

Қобда аудандық музейінің меңгерушісі​ Гүлбаршын Сағалиқызы Исатай батырдың жерленген жері жайлы тарихи тағылымды мол мағлұматтар айтып өтті. ​ ​ ​

Қобда​ ауданы Исатай Тайманұлы атындағы гимназиясының тарих пәнінің мұғалімі Орынбасаров Берік Мақсатұлы ​ батырға арнап ашылған мектептің тарихымен, Исатай Тайманұлына​ ұйымдастырылып жатқан шараларды айтып өтті. ​

Шара соңында Махамбет Өтемісұлы- «Жұмыр қылыш» күйі​ көрермендер назарына ұсынылды.