2022-2023 оқу жылына Вятск мектебі батырды еске алуға арналған Әлия Молдағұлованың әртүрлі техникада салынған портреттері арасында байқау жариялаған болатын.

«Әлия» патриоттық тәрбие беру облыстық орталығының ұйымдастыруымен осы байқауға Қобда ауданына қарасты Әлия Молдағұлова атындағы орта мектебінің оқушылары қатынасты.

Жетекшісі бейнелеу өнері және көркем еңбек пәнінің мұғалімі Нұртазина Айымгүл Нұрғалиқызы Әлия мектебінің суретші оқушылары Жолдас Жандос Жантасұлы және Шалабай Рамазан Назарұлын бірнеше ай дайындап, салған суреттерін Ресейдің Вятск жеріне жіберген болатын.

Ресей жері Әлиядай батырдың жерлестерінің батыр апаларына арнаған еңбектерін жоғары бағалап сол жақтағы Әлия музейінің төріне ілді және жетекшісімен жас суретшілерге Алғыс хаттарын жіберді. Ресей жерінен жеткен бұл марапаттар Әлия жерлестері үшін зор мақтаныш.

Бұл марапат Әлиядай батыр жүріп өткен жолдармен бүгінгі ұрпақ арасындағы байланыс және жас ұрпақты патриоттық рухта тәрбиелеудің тағы бір айғағы.