«Әлия» патриоттық тәрбие беру облыстық орталығы «Рухани жаңғыру» бағдарламасын іске асыру аясында «Өрлеу» БАҰО қатысуымен «Өлке тарихы-Отан тарихы» атты тарихи танымдық шара өтті. Іс-шараның негізгі мақсаты: киелі жерлердің географиясын түсіндіру, туған өлкеге деген сүйіспеншілігін тәрбиелеу, Отанымыздың тарихын зерттеу және қызығушылық таныту. «Әлия» патриоттық тәрбие беру облыстық орталығының директоры Бағдаш Әбдижәмиқызы Қобда тарихымен таныстырып өтті.

Ырғыз ауданынан келген Нұркен Қуанышұлы аталмыш кездесудің қатысушыларымен экспедицияда болған қызықты оқиғаларын айтып, алға қойған мақсаттарымен бөлісті. Яғни, біздің жерлес –жазушы Сейітжан Омаров туралы кітап шығару, Атбасар ауданының алғашқы өзендерінің атауын және орналасқан жерлері туралы ақпаратын жинастыру жөнінде.

Сонымен қатар, іс-шараға «Өрлеу» кафедра аға оқытушысы Ғалия Аманбердіқызының қатысуы үлкен мәртебе. Ғалия Аманбердіқызы өз сөзінде толық мәнді жеткізген ақпараты үшін алғысын білдірді. Аталған іс-шараға видео шолу жасалды.