Кеңес Одағының Батыры, даңқты қолбасшы, жауынгер-жазушы, тіл жанашыры Бауыржан Момышұлының туғанына 111 жыл толуына арналған «Тарихтағы қаһарман тұлға» атты Жамбыл облысы, Жуалы ауданы Бауыржан Момышұлы мемориалдық  музейімен онлайн сұхбат жүргізілді. Шарамызға Ақтөбе қаласы Бауыржан Момышұлы атындағы № 62 жалпы білім  беретін орта мектебі, Ақтөбе қаласы №45 жалпы білім  беретін  орта мектебі, Қобда ауданы Исатай  Тайманұлы атындағы  гимназия,  Ойыл ауданы Жүсібалиев атындағы қазақ орта мектебі, Алға ауданы, Үшқұдық орта мектебінің  ұстаздары мен оқушылары қатынасты. Іс-шараны «Әлия» патриоттық тәрбие беру облыстық орталығының директоры Бағдаш Абдижамиқызы сөз алып іс-шараны ашып берді.

«Елдік пен ерліктің киесіндей, батырлық пен батылдықтың иесіндей, асылдық пен жасындықтың үлгісіндей аты аңызға алналған қаһармен батыр Бауыржан Момышұлы- тау тұлға. Ол кісінің өмір жолы, сұрапыл соғыс жылдарындағы жанқиярлық ерлігі, өжеттігі мен өрлігі, алғырлығы мен көрегендігі- біле білгенге ұлы тәрбие, үлкен өнеге. Бауыржандай алыбымызды ардақтай білейік, ұлтымызға ұран болған ұлы тұлғамызды ұлықтай білейік.» деді өз сөзінде. Шарада Бауыржан Момышұлының өмірі мен ерлік жолдары туралы тың мағлұматтармен Бауыржан Момышұлы мемориалдық музейінің меңгерушісі Берікова Қаламқас Оспанқызы таныстырды.