Ұлы Абай Құнанбаевтың өнегелі мұрасын ұрпақ санасына сіңіре отырып «Толық адам» туралы тұжырымдамасын ілгерілету мақсатында «Табиғат таң қаламын тамашаңа» атты Абай шығармалары бойынша суреттер байқауы ұйымдастырылды.

Шараға қатысушылар Абай Құнанбаевтың өмірі мен шығармашылығы тақырыбында бастауыш сынып оқушылары «Қыс», «Жаз», «Күз» өлеңін суреттеп, табиғаттың тамаша пейзаждарын ұсынса, жоғарғы сынып оқушылары Абай Құнанбаевты бейнелеуге тырысты. Кейбір суреттерде байсалды, ойшыл ақсақал бейнеленсе, басқаларында – қиялдап шарқ ұрған, күлімсіреген жан бейнеленген.

Бұлақ негізгі орта мектебінің оқушысы Нұрымжан Мадияр І - орын иеленсе, Әлия Молдағұлова атындағы орта мектебінің оқушысы Әбілханқызы Ақнысан, Мақсұт Аружан ІІ – орынға, Жолдас Жандос, Мақсұт Әмина ІІІ - орынға ие болды.

Түгелбай Азиза, Жангелді Раяна, Нұртаза Айзере, Шалабай Наргиза, Жанболат Жансая, Құттығұл Раяна, Қабдагулова Дильназ алғысхаттармен марапатталды.