Пятковский Иван Максимович
(1913-1987) 1913 жылы Қобда ауданында туған. Байланыс ротасының капитаны И.М.Пятковский Қызыл Тулы «69-Сев» атқыштар дивизиясының құрамында Батыс және Орталық майдандарда шайқасты. Сев қаласын азат ету кезіндегі ұрыстарда оның ротасы дивизия бөлімдері мен командование арасындағы байланысты қамтамасыз етіп, жауынгерлік қимылдардың табысты болуына баға жетпес пайдасын тигізді. Варшава тас жолындағы, Курск иініндегі, Сож және Десна өзендерінен өту кезіндегі шайқастарға қатысты. 1943 жылы 30 қазанда И.М.Пятковскийге Кеңес Одағының Батыры атағы берілді.